حافظ آباد(نمائندہ نوائے وقت+نمائندہ خصوصی) کولوتارڑ میں 15جوڑوں کی شادیوں کی اجتماعی تقریب سیف اﷲمیموریل ویلفیئر ٹرسٹ کے زیر اہتمام بیگم عالیہ عثمان تارڑ کی زیرسرپرستی اور عظمت گلزار ویلفیئر ٹرسٹ کے تعاون سے منعقد ہوئی جس میںفیاض احمد ڈپٹی ڈائریکٹر صنعت زار، مسز مامون جعفر تارڑ،ایدھی حافظ آباد عبدالجباررضا،وی پی چیمبر آف کامرس ، معروف بزنس مین امتیاز احمد بھٹی، شیخ محمد نواز، طارق رشید ، ملک عرفان اور حاجی گلزار مہمانان خصوصی تھے۔تقریب میں تمام دلہنوں کو دودولاکھ سے زائد کا جہیز دیا گیا اورصرافہ ایسوسی ایشن کیجانب سے زیورات بھی پہنائے گئے جبکہ دولہوںکو سلامی دی گئی ۔اس موقع پر لوکل فنکاروں نے اپنے فن کا مظاہرہ کرتے ہوئے تقریب کو چار چاند لگادیئے۔جبکہ دلہوں کا بینڈ باجے سے استقبال کیا گیا اور ان پر نوٹ بھی نچھاور کئے گئے۔ دوسری جانب مہمانوںکی خاطر تواضع بھی کی گئی۔اس موقع پر مقررین نے بیگم عالیہ عثمان تارڑ کی سماجی خدمات کو زبردست الفاظ میں خراج تحسین پیش کیا۔