اسلام آباد(نمائندہ خصوصی) آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے اپنے کارپوریٹ سماجی ذمہ داری اقدامات کے تحت صوبہ پنجاب کے ضلع چکوال کے گاؤں چک نورنگ میں واقع اپنی سی ایس آرڈسپنسری میں تین روزہ فری سرجیکل آئی کیمپ کا انعقاد کیا۔  الشفاء آئی ٹرسٹ ہسپتال کے تعاون سے 24 سے 26 دسمبر تک منعقدہ آئی کیمپ کا مقصد مقامی آبادی کو آنکھوں کی دیکھ بھال کی ضروری خدمات فراہم کرنا تھا۔ فری آئی کیمپ کے دوران، او پی ڈی میں کل 1290 مریضوں کا معائنہ کیا گیا۔ ضروری ابتدائی تشخیص کے بعد 762 مریضوں کو بصارت کے چشمے،40 مریضوں کو آپریشن کے بعد سیاہ چشمے اور285 مریضوں کو بصارت کے خصوصی چشمے فراہم کیے گئے۔  کیمپ کے دوران 55 مریضوں کے لیب/کووڈ-19 ٹیسٹ کیے گئے۔