لاہور(سپورٹس رپورٹر+نمائندہ سپورٹس) آسٹریلیا میں جاری ویمنز ٹی ٹونٹی ورلڈ کپ میں گروپ بی کے میچ میں انگلینڈ نے پاکستان کوہرادیا۔ انگلینڈ نے 7 وکٹوں پر 158 رنز بنائے۔کپتان ہیتھر نائٹ 62 رنز بنا کر نمایاں رہیں۔ایمن انور نے 3 کھلاڑیوں کو آؤٹ کیا ۔ پاکستانی ٹیم 116 رنز پر آؤٹ ہو گئی ۔ ہیتھر نائٹ میچ کی بہترین کھلاڑی قرار پائیں۔جنوبی افریقہ کی ویمنز ٹیم نے تھائی لینڈ کو 113 رنزسے ہرا کر مسلسل دوسری فتح حاصل کرلی۔