معروف امریکی انٹرٹینمنٹ گروپ ’سی بی ایس‘ نے کرونا وائرس کے باعث اپنے عالمی پروگرام ’ امیزنگ ریس ‘ کی ریکارڈنگ روک دی ہے۔ امریکی ذرائع ابلاغ سے بات کرتے ہوئے سی بی ایس کے ترجمان نے بتایا کہ دنیا بھر میں کورونا وائرس کے بارے میں بڑھتے ہوئے خدشات اور بے یقینی کی وجہ سے سی بی ایس اور امیزنگ ریس کے پروڈیوسروں نے سیریز کے33 ویں سیزن پر عارضی طور پرریکارڈنگ روکنے کا احتیاطی اقدام اٹھایا ہے۔ انہوں نے مزید بتایا کہ اس شو میں اب تک صرف انگلینڈ اور سکاٹ لینڈ کا سفر کیا تھا جبکہ شوٹنگ 33ویں سیزن کے درمیان تھی ۔