نیشنل کبڈی چیمپئن شپ‘ واپڈا، ہائر ایجوکیشن کمیشن ‘ ائیر فورس کی جیت

لاہور(سپورٹس رپورٹر)پاکستان کبڈی فیڈریشن کے زیر اہتمام سرسبز 43 ویں نیشنل کبڈی چیمپئن شپ میں واپڈا، ہائر ایجوکیشن کمیشن اور ائیر فورس نے اپنے اپنے میچز جیت لئے۔جناح سٹیڈیم اسلام آباد میں جاری چیمپئن شپ میں واپڈا نے پی او ایف واہ کو 16-34 پوائنٹس سے، ہائر ایجوکیشن کمیشن نے اسلام آباد کو 11-31 پوائنٹس سے اور ایئر فورس نے خیبرپی کے کو 19-36 پوائنٹس سے ہرا دیا۔ آج مزید چھ میچز کھیلے جائیں گے۔ پاکستان پولیس کا مقابلہ اسلام آباد سے، ہائر ایجوکیشن کمیشن کا مقابلہ گلگت بلتستان سے، آرمی کا مقابلہ پنجاب سے، واپڈا کا مقابلہ بلوچستان، پاکستان پولیس کا مقابلہ ہائر ایجوکیشن کمیشن اور اسلام آباد کا مقابلہ گلگت بلتستان سے ہوگا۔پاکستان کبڈی فیڈریشن کے سیکرٹری جنرل محمد سرور رانا نے بتایا کہ چیمپئن شپ میں ملک بھر سے فیڈریشن کیساتھ منسلک بارہ ڈیپارٹمنٹ، صوبائی اور ریجنل ایسوسی ایشنز کی ٹیمیں حصہ لے رہی ہیں۔ ٹیموں کو چار گروپوں میں تقسیم کیا گیا ہے۔چیمپئن شپ 3 مارچ تک جاری رہے ۔