رواں سال 2024 لیپ ایئر ہے جو 366 دنوں پر مشتمل ہے اس لیے آج 29 فروری ہے لیپ ڈے پر انٹرنیٹ سرچ انجن گوگل نے بھی نیا دلچسپ ڈوڈل جاری کر دیا۔
مقبول ترین انٹرنیٹ سرچ انجن ہر اہم دن پر اس سے متعلق ڈوڈل جاری کرتا رہتا ہے۔ رواں سال 2024 کیونکہ لیپ ایئر ہے جو معمول کے 365 کے بجائے 366 دنوں پر مشتمل ہے۔ ہر چار سال بعد آنے والے لیپ ایئر پر گوگل کیوں خاموش رہتا اس لیے اس نے لیپ ڈے کی مناسب سے دلچسپ ڈوڈل جاری کر دیا۔
29 فروری لیپ ڈے کے موقع پر ڈوڈل کی جانب سے جو ڈوڈل جاری کیا گیا ہے اس میں ایک تالاب میں 01 اور 28 کے ہندسوں کے درمیان اچانک ایک مینڈک کود پڑتا ہے جس کے پاس 29 کا ہندسہ ہے۔
یہ مینڈک دونوں ہندسوں کے درمیان اپنی جگہ بنا کر خوشی کا اظہار کرتا ہے اور پھر جس طرح اچانک پھدک کر آیا تھا اسی طرح اچانک اچھل کر واپس بھی چلا جاتا ہے۔
شائقین گوگل کے اس منفرد ڈوڈل کو بہت سراہ رہے ہیں۔واضح ہے کہ ہر تین سال بعد چوتھا سال لیپ ایئر ہوتا ہے اور یہ سال معمول کے 365 دن کے بجائے 366 دن کا ہوتا ہے اور اس سال فروری میں 28 کے بجائے 29 دن ہوتے ہیں۔