حافظ آباد (نمائندہ نوائے وقت) رحمت میموریل ہارڈ بال کرکٹ ٹورنامنٹ کے فائنل میچ میں اعوان کرکٹ کلب نے پاک سپر کرکٹ کلب کو99رنز سے شکست دے دی۔ ٹاس جیت کر پہلے کھیلتے ہوئے اعوان کلب نے مقررہ تیس اوورز میں251 بنائے۔ اعوان کلب کی جانب سے راشد بھائی نے 82 اور خضر حیات ڈپٹی نے 51رنز سکور کئے۔ پاک سپر 152رنز بنا کر آﺅٹ ہو گئی۔ اعوان کلب کی جانب سے عاصم بٹ نے 3 کھلاڑیوںکو آﺅٹ کیا۔ راشد بھائی کو مین آف دی میچ کا ایوارڈ دیا گیا۔ مہمان خصوصی ایم ڈی میر داﺅد،ڈسٹرکٹ کرکٹ ایسوسی ایشن حافظ آباد کے صدر ملک گل نواز پھول اعوان، معروف کرکٹر محمد ہارون رشید صدیقی نے کھلاڑیوں میں انعامات تقسیم کئے۔