حیدر آباد میں ایم کیو ایم کے یوم سوگ پر دوکانیں بازار بند ، سڑکوں سے ٹریفک غائب ہے، لطیف آباد ، پریٹ آباد ، پھلیلی ، حالی روڈ  اور اندرون شہر سمیت سارے شہر میں ہڑتال جیسی صورت حال ہے ۔ تمام تجارتی ادارے کاروباری مراکز ٹرانسپورٹ رات گئے ہی بند ہونا شروع ہو گئے تھے ۔ دفاتر جانے  اور سفر کرنے والوں کو مشکلات کا سامنا ہے ۔ نجی سکول اور دفاتر بھی بند ہیں  جامشورو میں متحدہ قومی موومنٹ کے یوم سوگ کے سلسلے میں کوٹری کے تجارتی مراکز میں مکمل شٹر بند ہڑتال ہے  تجارتی مراکز شاہی بازار ، لیاقت روڈ ، صرافہ بازار ، دریا روڈ پر مکمل شٹر بند ہڑتال ہے ،پٹرول پمپ اور سی این جی سٹیشن بھی بند جب کہ کوٹری سے حیدرآباد  ٹرانسپورٹ بھی معمول سے کم  ہے ،لیاقت میڈیکل یونیورسٹی جامشورو میں بی ایس سی نرسنگ تھرڈ سیمسٹر کا پرچہ ملتوی کر دیا  گیا ہے ، میرپورخاص اوراس کی دیگرتحصیلوں ڈگری اورکوٹ غلام  میں  بھی زندگی مفلوج  ہے  اورپٹرول پمپس اورٹرانسپورٹ مکمل  طورپربند ہے ،،جس سے شہریوں کوشدید مشکلات  کاسامنا ہے ۔۔سکھر میں متحدہ کے یوم سوگ میں شہر کے بیشتر پیٹرول پمپس بند ہیں ۔ صبح سویرے کھلنے والی بیکری اور ہوٹل بھی بند کر دیئے گئے ۔ سڑکوں پر ٹریفک  معمول سے کم،، تعلیمی ادارے کھلے لیکن حاضری معمول سے کم ہے