اسلام آباد (نوائے وقت نیوز) وزیر مملکت اطلاعات مریم اورنگزیب کا کہنا ہے کہ عمران خان صرف خوابوں میں وزیراعظم نواز شریف کا مقابلہ کر سکتے ہیں ۔ مریم اورنگزیب نے عمران خان کی تقریر پر رد عمل کا اظہار کرتے ہوئے کہا نواز شریف قوم کی خدمت اور فلاح کی سیاست کرتے ہیں ۔ انہوں نے کہا خان صاحب آپ صرف جھوٹ اور انتشار کی سیاست کرتے ہیں ۔ نواز شریف سے مقابلے کے لیے ان جیسا اخلاق اور وضع دار بننا پڑے گا ۔ مریم اورنگزیب نے کہا نواز شریف سے مقابلے کے لیے انہیں 3 مرتبہ وزیراعظم منتخب ہونا پڑے گا جس کے لیے عوام کا ووٹ اور دعائیں لینی پڑیں گی۔