مخالفین پیپلزپارٹی سے خوفزدہ ہیں: بابر سہیل بٹ

لاہور(خبرنگار) پیپلزپارٹی کے رہنما بابر سہیل بٹ نے کہا ہے کہ مخالفین پیپلزپارٹی سے خوفزدہ ہیں۔ حکمرانوں نے عوام سے کیا ایک وعدہ بھی پورا نہیں کیا۔ عوام کو ریلیف کی بجائے تکلیف دی گئی غریب آدمی بھوک‘ غربت سے مررہا ہے۔ سرکاری ہسپتالوں میں کوئی سہولت میسر نہیں۔ ترقی صرف سڑکیں بنانے سے نہیں ہوتی پیپلزپارٹی کی قیادت پر تنقید رکھنے والے یاد رکھیں جب بھی عوام نے ہمیں خدمت کا موقع دیا ملک کو انقلابی منصوبے دئیے گئے۔ پیپلزپارٹی نے تعلیم ‘ صحت‘ روزگار‘انفراسٹرکچر اور ملکی دفاع کیلئے عظیم خدمات انجام دیں۔ ہماری قیادت عوام کے دلوں میں بستی ہے۔