’الحمرا فوک مقابلہ گائیکی ‘مقابلہ‘ 15گلوکاروں کا انتخاب‘فائنل آج ہوگا

لاہور (کلچرل رپورٹر)لاہور آرٹس کونسل کے زیر اہتمام نوجوان گلوکاروں کو اپنی صلاحیتیں آزمانے کا موقع فراہم کرنے کیلئے ’’الحمرا فوک مقابلہ گائیکی ‘‘ کا انعقاد کیا جا رہا ہے۔آڈیشن کا مرحلہ مکمل کر لیا گیا ہے جس میں 15گلوکاروں کا انتخاب عمل میں لایا گیا ہے۔آڈیشن میں پاکستان بھر سے سینکڑوں نوجوانوں نے شرکت کی ،فوک گا کر ججز کو متاثر کیا۔ایگزیکٹو ڈائریکٹر لاہور آرٹس کونسل الحمرا اطہر علی خان نے کہا کہ الحمرا نوجوان گلوکاروں کوا پنی صلاحیتیں منوانے کا موقع فراہم کر رہا ہے۔ ادارہ موسیقی کے پھلنے پھولنے میں کلیدی کردار ادا کر رہا ہے۔ یہ مقابلہ جیتنے والے گلوکاروں کے لئے مستقبل کی نئی راہیں کھولے گا۔ فائنل آج الحمرا ہال نمبر دو میں شام 5;30بجے ہو گا۔