لاس اینجلس  (اے پی پی)معروف امریکی  اداکارہ  کلوریس لیچ مین گزشتہ روز  کیلیفورنیا میں  انتقال کر گئیں۔امریکی ذرائع  ابلاغ کے مطابق  اداکارہ کیمنیجر جولیٹ گرین نے میڈیا سے گفتگو کرتے ہوئے بتایا کہ  اداکارہ کیلیفورنیا کے شہر اینکینیٹاس میں واقع اپنے گھر میں قدرتی وجوہات کی بنا پر فوت ہوگئی ہیں ۔ ان کی عمر 94 برس تھی۔انہوں نے بتایا کہ کلوریس جیسا کوئی نہیں وہ  ایک ہی نظر میں آپ کے دل میں جگہ بنانے اور آپ کو ہنسانے کی  صلاحیت رکھتی تھیں۔انہوں نے 22 نامزدگیوں میں سے 8 پرائم ٹائم ایمی ایوارڈ سمیت متعدد اعزازات جیتنے کے علاوہ  برٹش اکیڈمی فلم ایوارڈ ، گولڈن گلوب ایوارڈ ، اور ڈے ٹائم ایمی ایوارڈ جیتا ۔