بنی گالہ میں زمین کے تنازعہ پر فائرنگ‘  ایک شخص جاں بحق‘ 3 زخمی

اسلام آباد (نوائے وقت رپورٹ+ آئی این پی)  بنی گالہ کے علاقے میں فائرنگ سے ایک شخص جاں بحق اور3 زخمی ہوگئے۔ پولیس ترجمان کے مطابق فائرنگ کا واقعہ  دو پارٹیوں کے درمیان زمین کے تنازع پر پیش آیا۔ جس میں زخمی ہونے والے تینوں افراد کو فوری طور پر ہسپتال منتقل کر دیا گیا ہے۔ دو گروپوں کے درمیان 4  گھنٹے سے زائد وقت فائرنگ کا تبادلہ جاری رہا۔ علاقے میں شدید  خوف و ہراس پھیل گیا۔ فیصل نمبردار اور تصدق شاہ گروپ کے افراد نے خود کار ہتھیاروں سے فائرنگ کی۔ گولیاں لگنے سے ایک شخص جاں بحق اور تین شدید زخمی ہوگئے۔ تھانہ بنی گالہ پولیس  حالات پر قابو کرنے میں ناکام رہی۔