سپورٹس بورڈ پنجاب اوپن ٹینس چیمپئن شپ‘کوارٹر فائنل مرحلہ مکمل 

لاہور(سپورٹس رپورٹر+نمائندہ سپورٹس) سپورٹس بورڈ پنجاب اوپن ٹینس چیمپئن شپ 2021ء کے مقابلے پنجاب ٹینس اکیڈمی باغ جناح میں جاری رہے۔ چیمپیئن شپ کا کوارٹر فائنل مرحلہ مکمل ہو گیا سیمی فائنل میچز آج کھیلے جائیں گے۔ مینز سنگلز کوارٹرز فائنل میں احمد کامل نے حاشیش کمار کو، حسن ریاض نے عبدالحنان خان کو، عمران بھٹی نے میاں بلال کو اور مہاتیر محمد نے شیل دراب کو شکست دی، انڈر 18 کوارٹر فائنل میں فیضان فیاض، مہاتیر محمد اور حاشیش کمار نے کامیابی اپنے نام کی۔ انڈر 18 ڈبلز کوارٹر فائنل میں شیل دراب، نعلین عباس، معاویہ بٹ، حسنین اور حاشیش کمار،  اسد نے کامیابی حاصل کی۔ انڈر 14 پری کوارٹر فائنلز میں معاویہ بٹ، عامر مزاری، عمر جواد اور اسد زمان نے کامیابی حاصل کی۔ انڈر 12 پری کوارٹر فائنلز میں عامر مزاری نے زیرک مصطفی اور سمیر زمان نے علی عثمان کو شکست دی۔ سینئرز 35 پلس ڈبلز میں طارق صادق ، کاشف رحمت کامیاب رہے۔ مختلف کیٹیگریز کے سیمی فائنلز کل (جمعہ) کو کھیلے جائیں گے جبکہ تمام فائنل ہفتہ کو لڑے جائیں گے۔