گوجرانوالہ(نمائندہ خصوصی)وزیر آباد کے حلقہ پی پی 51میں ہونے والے ضمنی انتخاب میں11 امیدوار میدان میں اتریں گے امیدواروں کو کامیاب بنانے کے لیے 2لاکھ 53ہزار 949ووٹرز اپنا حق رائے دہی استعمال کرینگے ۔پی ٹی آئی کے چوہدری یوسف اور مسلم لیگ ن کی طلعت منظور میں کانٹے کے مقابلے کی توقع پیپلز پارٹی کا امیدوار مسلم لیگ ن کے حق میں دستبردار تفصیلات کے مطابق وزیر آباد کے حلقہ پی پی 51میں ٹوٹل 11امیدواروں کی لسٹ فائنل کر دی گئی لسٹ کے مطابق پی ٹی آئی کے چوہدری یوسف ، مسلم لیگ ن کی طلعت منظور ، جماعت اسلامی کے ناصر محمود کلیر ، تحریک لبیک کے چوہدری ناصر اور سات آزاد امیدوار اپنی قسمت آزمائیں گے پیپلز پارٹی کے امیدوار اعجاز سماں مسلم لیگی امیدوار کے حق میں دستبردار ہو گئے ہیں پی پی51کے الیکشن میں 2 لاکھ 53 ہزار 949 ووٹرزاپنا حق رائے دہی استعمال کریں گے جن میں 1لاکھ 38 ہزار 661مرد،ایک لاکھ 15ہزار288 خواتین ووٹرشامل ہیں الیکشن کیلئے 19 فروری  کو پولنگ شروع ہو گی ۔