کراچی (این این آئی) کراچی میں 21 جنوری کو امریکی بحریہ کے بوئنگ طیارے نے بحرین سے جاتے ہوئے کراچی کے جناح انٹرنیشنل ایئر پورٹ پر لینڈ کیا۔امریکی بحریہ کا بوئنگ طیارہ دبئی سے جمعرات20 جنوری کی شام کراچی پہنچا جو لگ بھگ پونے دو گھنٹے تک کراچی ایئر پورٹ پر موجود رہا۔ بعد ازاں مختصر قیام کے بعد طیارہ واپس روانہ ہوگیا۔امریکی فوجی طیارے کی کراچی ایئرپورٹ پر آمد کا سبب معلوم نہیں ہو سکا، جبکہ میڈیا میں بھی ایوی ایشن حکام کی جانب سے کوئی بیان جاری نہیں کیا گیا۔