لاہور (خصوصی نامہ نگار)ڈپٹی منیجنگ ڈائریکٹر محمد غفران احمد کی صدارت میں جائیکا کے کوآرڈینیٹر سیواسا ہیڈ آفس میں میٹنگ منعقد ہوئی۔جائیکا واسا کے ٹریننگ سنٹر میں تمام پنجاب کے واساز کو ٹریننگ دے گا۔80 فیصد ٹریننگ پریکٹیکل اور 20فیصد لیکچرز پر مشتمل ہوگی۔واسا کے ماسٹر ٹرینرز کو جاپانی ایکسپرٹس ٹریننگ فراہم کریں گے۔ڈی ایم ڈی واسامحمد غفران نے بتایا کہ رواں برس تمام واساز سے افسران جاپان انٹرنیشنل ٹریننگ کیلئے جائیں گے۔ ان انٹرنیشنل ٹریننگز سے تمام واساز کو نکاسی و آب اور ترسیلی نظام کو بہتر بنانے میں مدد ملے گی۔ اس میٹنگ میں جائیکا سے کپٹن( ر)  حفیظ واسا لاہور سے ڈائریکٹر ٹریننگ ریاض مجتبی غوری، ڈائریکٹر پلاننگ ذیشان بلال ڈائریکٹر ہشام وثیر، ڈائریکٹر سفیان احمد سمیت دیگر افسران نے شرکت کی۔