کراچی(اسپورٹس رپورٹر)قومی ٹیم کے سابق کپتان انضمام الحق نے پاکستان سپر لیگ  کے افتتاحی میچ میں کراچی کنگز کی شکست پر اپنے ردعمل کا اظہار کیا ہے۔انضمام الحق نے کہا کہ کراچی کنگز کا کم بیک مشکل لگ رہا ہے جبکہ ٹی ٹوئنٹی کے میچ ایسی پچ پر نہیں ہونے چاہئیں۔سابق کپتان نے دوران گفتگو دفاعی چیمپئن ملتان سلطان کے کپتان محمد رضوان کی کارکردگی کو بھی سراہا اور کہا کہ محمد رضوان سیزن پلیئر بن گئے ہیں۔انضام الحق کا کہنا تھا کہ کھلاڑی اچھا کھیلتا ہو تو ٹیم میں جگہ بن جاتی ہے، شرجیل اپنی فٹنس پر کام کرے تو بڑا کھلاڑی بن سکتا ہے۔دوران پروگرام  سابق کرکٹر سکندر بخت کا کہنا تھا کہ بابر اعظم  کی بیٹنگ نکھرتی ہے جب سامنے رضوان کھیل رہا ہو۔