کپتان کی قیادت میں پی ٹی آئی نے سینیٹ میں بھی اپوزیشن کو دھول چٹا دی، حسان خاور
ترجمان پنجاب حکومت حسان خاور نے کہا کہ عدم اعتماد کا خواب دیکھنے والے مایوسی کے گہرے دلدل میں جاگرے ہیں، اپوزیشن کو تنقید کا نشانہ بناتے ہوئے حسان خاور نے کہا کہ کپتان کی قیادت میں پی ٹی آئی نے سینیٹ میں بھی اپوزیشن کو دھول چٹا دی اور عدم اعتماد کا خواب دیکھنے والے مایوسی کی گہرے دلدل میں جاگرے، اپوزیشن کو ہر محاذ پر شکست فاش مل رہی ہے کیوں کہ کپتان کے سامنے روایتی سیاسی مافیا ریت کی دیوار ثابت ہورہا ہے،ترجمان پنجاب حکومت نے کہا کہ وزیر اعظم عمران خان کا دورہ لاہور پنجاب کی ترقی و خوشحالی کی بڑی نوید لایا ہے، وزیراعظم اور وزیراعلی کی قیادت میں پہلی مرتبہ پنجاب بدل رہا ہے اور اہل پنجاب حقیقی ترقی و خوشحالی کا مشاہدہ کررہے ہیں۔
