لاہور ( سپیشل رپورٹر) کپس سکول کی سالانہ تقریب تقسیم انعامات الحمراء ہال میں منعقد ہوئی۔ چیف ایگزیکٹیو کپس ایجوکیشن سسٹم عابد وزیر خان، ایم ڈی سلمان مقصود، ڈپٹی ڈائریکٹر کپس سکول زہرہ خاور سمیت عہدیداران نے شرکت کی۔2022 میں کپس سکول کی ہونہار طالبہ مریم یوسف نے لاہور بورڈ میں ٹاپ کیا۔ تمام نصابی و غیر نصابی سرگرمیوں میں بھی کپس سکول کے طلبہ چھائے رہے۔عالمی مقابلوں میں 6 طلباء نے ملک بھر میں اول پوزیشنز حاصل کیں اور عالمی رینکنگ میں نمایاں کارکردگی دکھانے پر  13 طلباء میں گولڈ،سلور اور برونز میڈلز تقسیم کئے گئے۔ ICATS Contest میں بھی کپس سکول کے طلبہ نے ملک بھر میں اول پوزیشن لینے کیساتھ ساتھ صوبائی سطح پر بھی پوزیشنز حاصل کیں۔ تقریب میں نصابی و غیر نصابی سرگرمیوں میں اعلیٰ کارکردگی  دکھانے والے طلبہ میں انعامات تقسیم کئے گئے۔چیف ایگزیکٹو کپس ایجوکیشن سسٹم عابد وزیر خان اور دیگر معزز مہمانان خصوصی نے اساتذہ اور انتظامیہ کی کاوشوں کو سراہا ۔ کپس ایجوکیشن سسٹم تیزی سے پھیلتے ہوئے نیٹ ورک اور بہترین نتائج کے حصول کو جاری رکھتے ہوئے پاکستان کے تعلیمی شعبے کی ترقی میں اہم کردار ادا کر رہا ہے۔