لاہور(سپورٹس رپورٹر) لدھیانہ جم خانہ کرکٹ کلب نے فائنل میں کرکٹ سینٹر کرکٹ کلب کو 47 رنز سے شکست دے کر 20-K کپ 2023 کا ٹائٹل جیت لیا۔ سابق ٹیسٹ کرکٹرز مصباح الحق، عبدالرزاق، اعزاز چیمہ، محمد الیاس کے علاوہ محمد مشتاق، شعیب ڈار، وہاب ڈار، بلال جاوید، کاشف بٹ، فرحان نثار اور دیگر موجود تھے۔لدھیانا جمخانہ نے 5 وکٹوں پر 163 رنز بنائے۔ عاصم علی ناصر نے 54 ، محمد وقاص نے53 رنز بنائے۔ کرکٹ سنٹر 9 وکٹوں پر 116 رنز بنا سکی۔ کاشف صدیقی نے 3 وکٹیں حاصل کیں۔ عاصم علی ناصر فائنل کے بہترین کھلاڑی قرار پائے۔