قصور (نمائندہ نوائے وقت) ضلعی انتظامیہ کے زیر اہتمام جنوری میں انسداد پولیو مہم کی کامیابی میں بہترین کارکردگی کا مظاہرہ کرنیوالے پولیو ورکرز کے اعزاز میں تقریب گزشتہ روز ضلع کونسل ہال میں ہوئی۔ جس میں ڈپٹی کمشنر فیاض احمدموہل، ایڈیشنل ڈپٹی کمشنر جنرل جعفر چوہدری، اسسٹنٹ کمشنر ز قصور نبیل احمد، پتوکی خرم مختار بھنگو، کوٹ رادھاکشن لاریب اسلم، چونیاں خرم حمید، سی ای او ہیلتھ ڈاکٹر سیف اللہ، ڈی ایچ او پروینٹو سروسز ڈاکٹر عبدالقادر ، ڈی ایچ او میڈیکل سروسز ڈاکٹر حفیظ الرحمن، ڈاکٹر فیصل اقبال، ڈاکٹر عطا حسیب، شکیل احمد چیمہ، خرم ابراہیم، ڈاکٹر فیاض احمد، ڈاکٹر امتیاز احمد ، رمضان شاہد، ڈپٹی ڈی ایچ اوز، تحصیل سپورٹ پرسنز، ایریا انچارجز، سکول ہیلتھ نیو ٹریشن سپروائزرز اور لیڈی ہیلتھ سپروائزرزنے شرکت کی۔ اس موقع پر ڈپٹی کمشنر فیاض احمد موہل نے پولیو مہم کی کامیابی میں بہترین کارکردگی دکھانے والے پولیو ورکرز میں تعریفی سرٹیفکیٹس تقسیم کئے اور انہیں اسی تسلسل کے ساتھ اپنی محنت کو جاری رکھنے کی ہدایت کی۔