راولپنڈی(جنرل رپورٹر)پنجاب آرٹس کونسل کے زیر اہتمام گندھارا فیسٹیول2023کی افتتاحی تقریب آج گندھارا آرٹ ویلج میں منعقد ہوگی،سیکریٹری اطلاعات وثقافت صلوت سعیدفیسٹیول کا افتتاح کریں گی،29جنوری سے 4فروری تک گندھار آرٹ ویلج ٹیکسلا اورپنجاب آرٹس کونسل کرکٹ اسٹیڈیم روڈ راولپنڈی میں منعقد ہو گا، ماہر کاریگر وںکی جانب سے مجمسہ سازی ،سنگ تراشی،اور گندھار آرٹ پر مبنی 20سے زائد اسٹالز لگائے جارہے ہیں۔راویتی کھابے،بچوں کے لیے کڈز پلے ایریا،اور گندھا ر پر کتابی میلے بھی فیسٹیول کا حصہ ہے، سائیں ظہور صوفی نائٹ میںپرفارم کر یں گے۔اُستاد حامد علی خان کے ساتھ شام غزل30جنوری کو ہوگی،31جنوری کو فضل جٹ اپنے مخصوص انداز میں داستان گوئی کا پروگرام پیش کریں گے،جبکہ نعیم ہزاروی بھی اُنکا ساتھ دیں گے۔عزیز میاں قوال کے بیٹے عمران عزیزمیاں یکم فروری کو محفل سماع کے موقع پر لوگوںکو محظوظ کریں گے۔سرائیکی فوک سنگر راحت ملتانی2 فروری کو پنجاب آرٹس کونسل راولپنڈی میں پرفارم کریں گی،سات روزہ فیسٹیول میں شوکت ڈھولی اور اسلم لوہار کی پرفارمنس بھی لوگوں کو محظوظ کرے گی۔