ٹھینگی ، شہر ی کھیتوں سے گزرتے ہوئے دھماکہ خیز مواد سے ٹکراکر زخمی

وہاڑی ( کرائم رپورٹر، نامہ نگار ) تھانہ ٹھینگی کی حدود 50۔ ڈبلیو بی کے قریب فصلوں میں دھماکہ اسی علاقہ کا رہائشی کھیتوں سے گزرتے ہوئے دھماکہ خیز مواد سے ٹکرایا جس کے نتیجہ میں اس کا پاوں شدید زخمی ہوگیا تفصیل کے مطابق پولیس تھانہ ٹھینگی کی حدود میں افسوسناک واقعہ سامنے آیا ہے پولیس ذرائع کے مطابق نواحی چک نمبر 50 ڈبلیو بی کے قریب موجود کھیتوں سے اسی علاقہ کا رہائشی فرمان گزر رہا تھا کہ پگڈنڈی پر دھماکہ خیز مواد سے پاوں ٹکرا گیا جس سے زوردار دھماکے کی آواز سنائی دی دھماکے سے فرمان شدید زخمی ہوگیا ہے جسے تشویشناک حالت میں نشتر ہسپتال منتقل کیا جارہا ہے جبکہ دھماکے کی اطلاع ملتے ہی ایس ایچ او تھانہ ٹھینگی محمد اکرام اور دیگر قانون نافذ کرنے والے ادارے موقع پر پہنچ گئے اور دھماکے کی تحقیقات شروع کر دی ۔