چیئرمین پاکستان تحریک انصاف اور سابق وزیراعظم عمران خان سے دبئی کے گینیز ورلڈ ریکارڈ ہولڈر ڈاکٹر بو عبداللہ کی ملاقات ہوئی ہے۔ذرائع کے مطابق ڈاکٹر بو عبداللہ نے چیئرمین پاکستان تحریک انصاف عمران خان سے زمان پارک لاہور میں ملاقات کی، ڈاکٹر بوعبداللہ نے عمران خان سے ملاقات میں خوشی کا اظہار کیا۔ڈاکٹر بو عبداللہ نے کہا کہ عمران خان سے ملاقات کر کے خوشی ہوئی ہے، عمران خان کی شخصیت ایسی ہے کہ واقعی وہ پاکستانیوں کی محبت اور یقین کے حق دار ہیں۔