کراچی (نوائے وقت رپورٹ) چیئرمین پاکستان پیپلزپارٹی بلاول بھٹو کی ہمشیرہ آصفہ بھٹو نے کہا ہے کہ بلاول اور میں آپ کی آواز ہیں۔ لیاری کے علاقے آگرہ تاج میں ریلی سے خطاب کرتے ہوئے کہا کہ پیپلزپارٹی کے پاس عوام دوست منشور ہے جس سے عوام کی زندگی بہتر ہوگی۔ وعدہ کرتے ہیں غربت اور بھوک کا خاتمہ کریں گے۔ آپ کو مالکانہ حقوق دیں گے۔ آپ کے بچوں کو مفت تعلیم اور صحت کی سہولتیں دیں گے۔ آصفہ بھٹو نے یہ بھی کہا کہ عوام کو تین سو یونٹ تک مفت بجلی دیں گے۔ چیئرمین پی پی کی ہمشیرہ کا کہنا تھا کہ ہم مل کر پاکستان کی تقدیر بدل سکتے ہیں۔ بلاول بھٹو کو منتخب کریں اور موقع دیں کہ وہ آپ کے حقوق کے لئے لڑ سکے۔ آپ اپنے ووٹ کی طاقت استعمال کریں گے پاکستان مضبوط بنے گا۔ آصفہ بھٹو زرداری نے کہا کہ مزدور کارڈ اور یوتھ کارڈ بنانا پیپلزپارٹی کا منشور ہے۔