گوجرانوالہ(نمائندہ خصوصی ) منڈیالہ وڑائچ مدینہ ٹاؤن کی اہم سیاسی شخصیات سیٹھ ارشد، سیٹھ قیصر محمود گل نے امیدوار پی پی 59 بیرسٹر بلال فاروق کی مکمل حمایت کا اعلان کردیا۔ اس سلسلے میں منعقدہ تقریب میں امیدوار پی پی 59 بیرسٹر بلال فاروق، سابق ایم پی اے حاجی امان اللہ، سابق ناظم اروپ ٹاؤن راؤ اکرام ،سابق کونسلر حاجی مجید قیصر سمیت کثیر تعداد میں حلقہ عوام موجود تھی۔ مسلم لیگ ن کے امیدوار پی پی 59بیرسٹر بلال کی مکمل حمایت کا اعلان کیا گیا۔انہوں نے کہاکہ 8فروری کو ہر طرف شیر ہی دھاڑے گا اسکی دھاڑ گیڈر بھبھکیاں مارنے والے دم دبا کر بھاگ نکلیں گے۔ آپ 8فروری کو شیر کے نشان پر مہر لگا کر کامیابی سے ہمکنار کرائیں ۔،انشاء اللہ میاں نوازشریف چوتھی مرتبہ وزیراعظم بن کر ملک کو نئے سرے سے ترقی کی راہ گامزن کریں گے اور ملک کو درپیش تمام مسائل کو حل کریں گے۔