لاہور(سپورٹس رپورٹر) بنگلہ دیش پریمیئر لیگ میں رنگپور رائیڈرز کی نمائندگی کرنے والے بابر اعظم غصے میں آگئے جس کی ویڈیو سوشل میڈیا پر وائرل ہوگئی۔ بابر اعظم نے ڈورڈینٹو ڈھاکہ کیخلاف 46 گیندوں پر 62رنز کی اننگز کھیل کر اپنی ٹیم کا ٹوٹل 183رنز بنانے میں اہم کردار ادا کیا۔ تاہم اننگز کے 13ویں اوور میں بابر اعظم اس وقت غصے میں آگئے جب ڈھاکہ کے وکٹ کیپر عرفان سکھر کیساتھ ان کی گرما گرم بحث ہوگئی۔ امپائر اور ڈھاکہ کے کپتان مصدق حسین نے بابر اور عرفان کے جھگڑے کو ختم کروانے کی کوشش کی لیکن وہ وکٹ کیپر سے ناراض رہے۔ وائرل ہونے والی ویڈیو میں بابر اعظم کو کہتے سنا جاسکتا ہے کہ میں آپ سے بات نہیں کررہا، میں اپنے آپ سے بات کررہا ہوں۔