امریکہ میں بھارت سے علیحدگی کیلئے خالصتان ریفرنڈم: ریلیاں، ہزاروں سکھوں کی شرکت

واشنگٹن (انٹرنیشنل ڈیسک) امریکی ریاست سان فرانسسکو میں خالصتان ریفرنڈم کے لئے ووٹ ڈالے گئے۔ جہاں ہزاروں سکھ رہنماؤں و کارکنوں نے حصہ لیا۔ غیر ملکی خبر رساں اداروں کی رپورٹس کے مطابق ریفرنڈم سکھ فار جسٹس کے زیراہتمام سان فرانسسکو میں کرایا گیا۔ شدید سردی کے باوجود ریلیاں نکالیں اور پمفلٹس تقسیم کئے گئے۔ سکھ رہنماؤں نے شرکاء کو عوامی اجتماع میں بھارتی حکومت کے سکھوں سے امتیازی سلوک‘ غیرمنصفانہ رویہ اور سکھوں کے کچلنے کیلئے ہتھکنڈوں سے آگاہ کیا۔ خالصتان ریفرنڈم کا آغاز 31 اکتوبر 2021ء کو لندن سے ہوا تھا۔ اب تک کینیڈا‘ سوئٹزرلینڈ اور اٹلی میں ووٹنگ ہو چکی ہے۔ سان فرانسسکو میں ووٹ ڈالنے والوں کی لمبی قطاریں لگ گئیں۔ ووٹنگ 8 گھنٹے جاری رہی۔