شکرگڑھ (نامہ نگار) احسن اقبال نے دودھم گائوں میں جلسے سے خطاب کرتے ہوئے کہا کہ آپ  کے ووٹ سے اچھے نمائندے آئیں گے‘ تو اس کا فائدہ پاکستان کو ہو گا۔ نارووال میں تعلیمی انقلاب لائے جس سے لوگوں کی زندگیاں بدلیں، مخالف بھی مان رہے ہیں کے حکومت مسلم لیگ ن کی آئے گی۔ بلاول کی چیخیں بتا رہی حکومت نواز شریف کی بن رہی ہے۔ آپ سب لوگ اکٹھے ہو کر ہمیں بھاری اکثریت سے کامیاب کریں۔ اگر آپ آزاد امیدوار کو ووٹ دیں گے آپ آصف زرداری کو ووٹ دیں گے کیونکہ آصف زرداری آزاد امیدواروں کا خریدار ہے۔ 9 مئی کو ایک آنتشاری جماعت نے قائد اعظم کے گھر کو جلایا۔ شہیدوں کی یادگاروں پر حملہ کیا، فضائیہ کے اڈوں پر حملہ کیا۔ 9مئی کو انہوں نے وہ کام کیا جو انڈیا آج تک نہ کر سکا۔ آج نارووال ظفروال، شکرگڑھ سے 30 سال آگے ہے۔ یہ فیصلہ اب آپ نے کرنا آپ نے برادری، تڑے  اور آستانے پوجنے ہیں یا پھر تعلیم اور ترقی اور اپنے بچوں کا مستقبل دیکھنا ہے۔