ہمارے خاندان کی عوامی خدمات کسی سے پوشیدہ نہیں،سردار افتخار احمد خان 

فتح جنگ(نامہ نگار)عوام کی مشکلات ہماری مشکلات ہیں عوامی مشکلات کے ازالہ کے لیے ہمارے خاندان کی خدمات کسی سے پوشیدہ نہیں ہیں میرا تعلق فتح جنگ سے ہے اور میں یہاں کے لوگوں کی مشکلات کو باخوبی سمجھتاہوں اگر اللہ تعالی نے کامیابی سے نوازا تو حلقہ کی ترقی کے لیے اپنی تمام تر صلاحیتیں بروئے کار لاو¿ں گا ان خیالات کا اظہار پاکستان مسلم لیگ (ن)کے امیدوار حلقہ پی پی 02سردار افتخار احمد خان نے مقامی صحافی ملک محمدوحید, ملک محمد توفیق,ملک محمد حنیف کی رہائش گاہ پر کارنر میٹنگ سے خطاب کرتے ہوئے کیاانہوں نے کہا کہ فتح جنگ کو حقیقی معنوں میں ترقی کے نئے سفر پر گامزن کریں گے۔کارنر میٹنگ میں ملک محمدوحید نے اپنی برادری اور دوستوں سمیت پاکستان مسلم لیگ (ن) کے امیدواروں کی حمایت کا اعلان کیاکارنر میٹنگ میں پاکستان مسلم لیگ (ن) کے ضلعی سینئر نائب صدر حاجی ذوالفقار علی بلوچ ،اخلاق احمد ملک,سابقہ ناظم حاجی منظور حسین اور اہل محلہ اور دیگر نے شرکت کی۔