کراچی اسٹاک مارکیٹ میں مسلسل چار روز کی زبردست مندی کے بعد جمعہ کے روزتیزی ریکارڈ کی گئی۔ ٹریڈنگ کے دوران او جی ڈی سی ،اٹک ریفائنری اور فوجی فرٹیلائزر کے شئیرز میں نمایاں تیزی کی وجہ سے ہنڈریڈ انڈیکس بارہ ہزار دو سو دس پوائنٹس تک پہنچ گیا تاہم کاروبار کے اختتام پر بارہ ہزار ایک سو نوے پوائنٹس پر بند ہوا۔ سرمایہ کاروں کے انتہائی محتاط انداز کے باعث مجموعی کاروباری حجم چار کروڑ اکسٹھ لاکھ شئیر رہا جو گزشتہ روز کے مقابلے میں دو کروڑ شئیرز کم ہے۔