بونوں کی انسانوں کی دنیا میں آمد کے موضوع پر بنائی جانے والی کارٹون فلم دی سمرفس کی آج امریکہ کے سینما گھروں میں نمائش کی جائے گی۔ دوانچ قد کے بونےچھ فٹ کے آدمی کو کیسے تنگ کرتے ہیں اس کا اندازہ توفلم دیکھ کر ہی ہوگا تاہم ننھے منے بونوں کو انسانوں کی دنیا میں آنے کا خوف تو دور کی بات الٹا انھوں نے ایک گھر میں گھس کر وہاں رہنے والوں کی ناک میں دم کردیا۔نیلے رنگ کے پھرتیلے اور شرارتی بونوں کی فوج بڑی دیدہ دلیری سے پورے گھر میں پھدکتی اور خوب عیش کرتی رہی۔ فلم کے جاندار ٹریلر اور اس کی تشہیر نے فلم بینوں خصوصاً بچوں کی بے چینی میں اضافہ کردیا ہے