کامونکے(نامہ نگار) لاہور سے برات گوجرانوالہ جارہی تھی کہ دربار بابا بھولا پیر کے قریب بریک فیل ہونے جانے کی وجہ سے بس بے قابو ہوکر لوڈرٹرک ،رکشہ اورکار سے ٹکرانے کے بعد ڈیوائیڈر لائن کو توڑتے ہوئے سروس روڈ پر کھڑی چاند گاڑی سے ٹکرگئی۔حادثہ کے نتیجہ میں بس میں موجود دْلہا کے متعدد رشتہ دار ،رکشہ ،لوڈر ٹرک،کار اور چاند گاڑی میں موجود مردوخواتین اور بچے شدید زخمی ہوگئے۔ محلہ مسلم گنج کا بائیس سالہ قدیر موٹر سائیکل پر جاتے موٹر سائیکل کے بے قابو ہوکر پھسلنے کے باعث گرکر زخمی ہوگیا۔جبکہ دیگر ٹریفک حادثات میں چنڈالہ کا 20سالہ عبدالرزاق اور 35سالہ ابرار شدید زخمی ہوگئے۔جنکو طبی امداد کیلئے ہسپتال پہنچا دیا گیا ہے۔