ترقی یافتہ پاکستان صرف مسلم لیگ ن ہی یقینی بناسکتی ہے: شاہجہان لودھی

شیخوپورہ(نامہ نگار خصوصی)مسلم لیگ (ن) ورکرز ایکشن کونسل کے سینئر رہنما شاہجہان خان لودھی نے کہا کہ ایک ترقی یافتہ خودانحصار اورخودمختار پاکستان صرف (ن) لیگ ہی یقینی بناسکتی ہے، الیکشن کمشن کی نااہلی اور بے ضابطگیوں سے بھر پور انتخابی عمل کو مشکوک بنادیا گیاہے اسلام آباد میں ہونے والی کل جماعتی کانفرنس کے اعلامیہ کی پوری قوم تائید کرتی ہے ، مسلم لیگ (ن) کی قیادت جو بھی فیصلہ کرے گی اور جس طرح کی بھی احتجاجی تحریک چلانے کا اعلان کیا جائے گا پارٹی کارکنان ہراول دستے کا کردار ادا کریں گے۔