یزمان میں ق لیگ کا امیدوارممبر قومی اسمبلی اور 2 اراکین صوبائی اسمبلی کامیاب

یزمان(خبر نگار) این اے 172 سے مسلم لیگ ق کے نامزد امیدوار چودھری طارق بشیر چیمہ نے اپنے مدمقابل مسلم لیگ ن کے نامزد امیدوار چودھری سعود مجید کو شکست دیدی۔ پی پی 249 کے مسلم لیگ ق کے نامزد امیدوار چودھری احسان الحق نے اپنے مخالف امیدوار مسلم لیگ ن چودھری خالد محمود ججہ کو ہرا دیا۔ پی پی 250 کے سابق ایم پی اے مسلم لیگ ق ڈاکٹر محمد افضل نے اپنے مد مقابل سعد مسعود کو دوسری بار شکست دیدی۔ اس طرح یہاں سے مسلم لیگ ق کے تینوں نامزد امیدوار کامیاب ہو گئے۔ یہ امر قابل ذکر ہے کہ ڈاکٹر محمد افضل یہاں سے پانچویں بار ایم پی اے منتخب ہوئے ہیں اور مذکورہ تینوں کامیاب ہونے والے امیدواروں کی ہمدردیاں پی ٹی آئی کے ساتھ ہیں۔