کراچی (اسپورٹس رپورٹر )سندھ اسپورٹس بورڈ حکومت سندھ کے تعاون فردوس اتحاد اور واحد اسپورٹس شوٹنگ بال کلب کے اشتراک سے واحد اسپورٹس شوٹنگ بال کمپلیکس کورنگی میں حضرت لال شہباز ؒقلندر ایس ایس بی شوٹنگ بال ٹرافی میں کھیلے گئے تین میچوں کا فیصلہ ہوگیا، فرقان کلب، یونائیٹڈ شوٹر اور واحد اسپورٹس شوٹنگ بال کلب نے اپنے مدمقابل ٹیموں کو شکست دے کر اپنے میچز جیت لیے، کھیلے گئے پہلے میچ میں فرقان کلب نے بلال شوٹر کو 2-0 سے دوسرے میچ میں یونائیٹڈ شوٹر نے نسیم حمید اسپورٹس اکیڈمی شوٹنگ بال ٹیم کو 2-0 سے شکست دی،تیسرے میچ میں واحد اسپورٹس شوٹنگ بال کلب نے اتحاد شوٹنگ بال کلب کو 2-1 سے شکست دے کر سیمی فائنل میں جگہ بنا لی کھیلے گئے میچوں میں وسیم عباس، ملک ناصر، عبداللہ، تحسین احمد، اسرار زیدی، عاصم، رضوان احمد، عبدالرشید، خالق احمد، اوسامہ جت،فیضان احمد، محسن علی، حمزہ خان نیازی اور محمد شمیم نے شاندار کھیل کامظاہرہ کیا اور شائقین سے داد سمیٹی ،میچ کے اختتام پر مہمان خصوصی سماجی رہنما ملک آصف سے کھلاڑیوں کا تعارف کرایا گیا اس موقع پر سندھ شوٹنگ بال ایسوسی ایشن کے نائب صدر ایم شمیم قریشی ،سابق قومی شوٹنگ بال پلیئر قمر السلام پیارے بھائی ،واحد اسپورٹس کے عبدالرشید ،۱اور دیگر موجود تھے ۔