لندن،اسلام آباد (نمائندہ خصوصی+ وقائع نگار خصوصی) برٹش ایئرویزنے اگلے ماہ سے پاکستان کیلئے فضائی آپریشن دوبارہ بحال کرنیکا فیصلہ کیا ہے۔ ذرائع کے مطابق برٹش ایئرویز اگست سے پاکستان کا فضائی آپریشن دوبارہ شروع کرے گی۔ برطانوی کمپنی ہیتھرو ایئر پورٹ سے اسلام آباد کے لیے ہفتے میں 3 پروازیں آپریٹ کریگی۔ برٹش ایئرویز نے پاکستانی حکام سے اس حوالے سے انتظامات مکمل کرنیکی یقین دہانی کرانیکی درخواست کی ہے اور اسلام آباد ایئرپورٹ منیجرسے انتظامات کی تفصیلات بھی مانگ لی ہیں۔ برٹش ایئرویز نے کہا کہ جہازکیلئے فکس بریجزمحفوظ ہونیکی تصدیق کی جائے۔ واضح رہے کہ برٹش ایئرویزنے کرونا کے باعث پاکستان کا فضائی آپریشن بند کر رکھا تھا۔