پیپلزپارٹی بیساکھیوں کی بجائے عوامی طاقت سے اقتدار میں آئیگی‘احمدمحمود

ملتان (سپیشل رپورٹر)صدر پاکستان پیپلزپارٹی جنوبی پنجاب مخدوم سید احمد محمود کی رہائش گاہ مخدوم ھاوس میں سابق صدر آصف علی زرداری کی 65 ویں سالگرہ کا کیک کاٹا گیا جس میں خواجہ رضوان عالم ٗ عبدالقادر شاہین ٗ حاجی رمضان ٗسید عارف شاہ ٗ شیخ غیاث الحق ٗ طاہر محمود مفتی کے علاوہ دیگر عہدیدداران بھی شریک تھے۔مخدوم احمد محمود نے کہا ہے کہ چئیرمین بلاول بھٹو اپنے نانا ذوالفقار علی بھٹوکے فلسفے لیکر چل رہے ہیں۔ حکومتی فیصلے معیشت کے گلے کا پھندا بن چکے ہیں۔ پیپلز پارٹی بیساکھیوں کی بجائے عوام کی طاقت سے برسراقتدار آئے گی۔انہوں نے کہا کہ سلیکٹڈ حکومت سیاسی سماجی معاشی داخلی اور خارجی محاز پر مکمل ناکام ہوچکی ہے۔