اسلام آباد (این این آئی)پاک بحریہ کا جہاز پی این ایس ذوالفقار روس کا کامیاب دورہ مکمل کرنے کے بعد سینٹ پیٹرزبرگ سے روانہ ہوگیا۔ ترجمان پاک بحریہ کے مطابق روسی بحریہ نے روایتی عسکری انداز میں پاک بحریہ کے جہاز کو رخصت کیا۔ ترجمان پاک بحریہ کے مطابق دورے کے دوران مشن کمانڈر اور کمانڈنگ آفیسر سے ہونے والی اہم ملاقاتوں میں میزبان حکام نے روس کی نیوی ڈے پریڈ میں شرکت پر پاک بحریہ کا شکریہ ادا کیا۔ ترجمان پاک بحریہ کیمطابق ورے کے اختتام پر پاک بحریہ کے جہاز نے روسی بحریہ کے ساتھ دوطرفہ بحری مشق عریبین مون سون میں بھی حصہ لیا۔ ترجمان پاک بحریہ کے مطابق مشق کے دوران جدید بحری آپریشنز کا مظاہرہ کیا گیا۔ ترجمان پاک بحریہ کے مطابق پاک بحریہ کے جہاز کا روس کا یہ دورہ دونوں ممالک بالخصوص بحری افواج کے مابین تعلقات کو مزید فروغ دے گا۔