کراچی(وقائع نگار)فیڈرل بی ایریا میں اسپیئرپارٹس کی دکان میں خوفناک آتشزدگی کے نتیجے میں 15لاکھ روپے مالیت کا سامان جل کر خاکستر ہوگیا،فائر بریگیڈ کے عملے نے ایک گاڑی کی مددسے آگ پر قابوپایاتفصیلات کے مطابق فیڈرل بی ایریا بلاک 14میں محبوب اسکوائر کے عقب میں واقع اسپیئر پار ٹس کی دکان میں خوفناک آگ بھڑک اٹھی ،جس کی اطلاع پر فائر بریگیڈ کی ایک گاڑی موقع پر پہنچ گئی اور ایک گھنٹے کی جدوجہد کے بعد آگ پر قابو پالیا،فائر بریگیڈ کے عملے کے مطابق دکان کے مالک سید اختر علی کے مطابق دکان میں آتشزدگی کے نتیجے میں15لاکھ روپے مالیت کا سامان جل کر خاکستر ہوگیا ہے جبکہ آگ لگنے کی وجہ تاحال نامعلوم ہے۔