اسلام آباد: جنوبی افریقہ کے چیف آف نیشنل ڈیفنس فورس جنرل روڈزانی مپھوانیا کی نیول ہیڈ کوارٹرز اسلام آباد آمد پر سربراہ ایڈمرل محمد امجد خان نیازی نےان کا استقبال کیا ۔
ترجمان پاکستان نیوی کے مطابق جنوبی افریقہ کے چیف آف نیشنل ڈیفنس فورس جنرل روڈزانی مپھوانیا کی نیول ہیڈ کوارٹرز آمد پر معزز مہمان کو روایتی انداز میں گارڈ آف آنر پیش کیا گیا ۔ پاک بح ریہ کے سربراہ ایڈمرل محمد امجد خان نیازی نے معزز مہمان کا استقبال کیا۔
ایڈمرل محمد امجد خان نیازی اور جنرل روڈزانی مپھوانیا کے درمیان ملاقات میں باہمی دلچسپی کے پیشہ وارانہ امور اور خطے کی میری ٹائم سیکیورٹی صورتحال پر تبادلہ خیال کیا گیا۔ امیر البحر نے علاقائی امن و استحکام کے حوالے سے پاک بحریہ کے کردار پر روشنی ڈالی۔معزز مہمان نے خطے میں بحری سیکیورٹی کے حوالے سے پاک بحریہ کی کاوشوں کو سراہا۔