گوجرانوالہ کارپوریشن نے نادرا میگا سینٹر پارکنگ سٹینڈ کا ٹھیکہ دے دیا

ایمن آباد (نمائندہ نوائے وقت ) میونسپل کارپوریشن گوجرانوالہ نے نادرا میگا سینٹر پارکنگ سٹینڈ کا ٹھیکہ سب سے زیادہ بولی دینے والی پارٹی کو دے دیا۔چیف آفیسر میونسپل کارپوریشن خواجہ عمران نے صحافیوں سے بات کرتے ہوئے کہا کہ ٹھیکہ  میں تمام قانونی تقاضے پورے کیے گئے اور طرفداری  کا سوال ہی پیدا نہیں ہوتاکیوں کہ بولی میں مختلف محکموں کے افسر بطور نمائندہ موجود  ہوتے  ہیں۔انہوں نے مزید کہا کہ میونسپل کارپوریشن ایڈمنسٹریٹر وکمشنر گوجرانوالہ منصور قادر کی منظوری کے بعد کامیاب بولی دہندہ کو ٹھیکہ دیا گیا۔