ناخلف بیٹوں نے بیویوں کیساتھ مل کر بوڑھے باپ کو گھر سے نکال دیا

گکھڑمنڈی(نامہ نگار)محلہ جٹاں راہوالی میں دو ناخلف بیٹوں نے بیویوں کیساتھ مل کر بوڑھے باپ کو اس کے چھوٹے بیٹے سمیت ملکیتی مکان سے زبردستی نکال کر بے دخل کردیا، رشید احمد نے پولیس کو درخواست دی کہ اس کے دو بیٹوں سعید اور عمر نے اپنی بیویوں نائلہ اور آمنہ کے ساتھ مل کر اسے گالم گلوچ بے عزت کرتے ہوئے اسے چھوٹے غیر شادی شدہ بیٹے فیضان سمیت زبردستی گھر سے نکال کر مکان پر قبضہ کر لیا جس کی وجہ سے وہ دربدر کی ٹھوکریں کھانے پر مجبور ہوگیا، پولیس نے والد کی رپورٹ پر بیٹوں اور ان کی بیویوں کے خلاف مقدمہ درج کرلیا۔