کوٹ ادو،کہروڑپکا ،قطب پور،میلسی(خبر نگار، تحصیل رپورٹر)ڈاکو سولر پلیٹ سے لوڈ مزداٹرک، بیوپاری سے 20لاکھ چھین کر فرارکوٹ ادو سے خبر نگار کے مطابق گزشتہ شب چوک اعظم کا رہائشی تاجرامداد خان پٹھان 40سولرپلیٹیں مالیتی 16لاکھ لوڈ کرکے ملتان سپلائی دینے جا رہا تھا کہ 5 ڈاکوؤں نے ٹرک کوروک لیا۔ڈرائیور اورتاجرکے ہاتھ پاؤں اور انکی آنکھوں پر پٹی باندھ دی اور ریت کے ٹیلوں میں پھینک کر ٹرک لے کر فرار ہو گئے۔ جبکہ چک نمبر 149 ایم ایل کا محنت کش محمد شان کھوسہ سے 3ڈاکوؤں نے موٹرسائیکل ،نقدی اورموبائل چھین لیے۔مزاحمت پر انہیں تشددکانشانہ بھی بنایا۔کہروڑپکا سے خبر نگارکے مطابق بستی سانوری کا رہائشی حق نواز بیوپاری بینک سے 20لاکھ روپے لے کر گھر جا رہا تھا کہ تین ڈاکوئوں نے روک لیا اور گن پوائنٹ پر 20لاکھ روپے چھین لئے اور فرار ہو گئے ۔اطلاع پر ایس ایچ او صدر عارف شاہ نے موقع پر پہنچ کر کارروائی شروع کر دی ۔قطب پور سے خبر نگار کے مطابق خلیل اسماعیل سے چار نا معلوم نقاب پوش ڈاکو موٹر سائیکل ، نقدی اور موبائل چھین کر فرار ہوگئے۔میلسی سے تحصیل رپورٹر کے مطابق گزشتہ روز علی الصبح پولیس وردیوں میں ملبوس مسلح ڈاکو میلسی کے محلہ سعیدی ٹاؤن کے رہائشی راؤ خلیل کے گھر داخل ہو گئے اور تمام افراد کو گن پوائنٹ پر یر غمال بناکر انہیں ایک کمرے میں بند کر دیا اور ان سے موبا ئل فون چھین لئے اور لوٹ مار کرکے ان کے گھر سے 4لاکھ روپے کی رقم اور 3 تولے زیورات لوٹ کر فرار ہو گئے پولیس کو بار بار فون کرنے کے باجود پولیس سوتی رہی۔دوسری جانب لوہا مارکیٹ میلسی کے سرپرست اعلیٰ عبداللطیف شیخ کی جیب سے نامعلوم جیب تراش نے 1 لاکھ20ہزار روپے کی رقم نکال کر پانچ پانچ سو والے جعلی نوٹ ڈال دئیے اور جیب تراش رفوچکر ہو گیا۔