سماجی تنظیم ایثار کراچی اور بزنس ڈویلپمینٹ رسورسزکا دورہ سینئر سٹیزن ہائوس ’’دارلسکون‘‘

کراچی (نیوز رپورٹر)معروف سماجی تنظیم ایثار کراچی ویلفیئر ایسوسی ایشن  اور بزنس ڈویلپمینٹ رسورسز BDR کی ٹیم نے کراچی کے بڑے سینئر سٹیزن ہاؤس"دارلسکون" کا دورہ کیا جس میں ٹیم ایثار اور ٹیم بی ڈی آر کے اراکین کے علاوہ ایثار کراچی ویلفیئر ایسوسی ایشن کی خصوصی دعوت پر کراچی کے ایک نجی اسپتال کے ماہر نفسیات اور جنرل ڈاکٹرز نے بھی شرکت کی۔ ڈاکٹرز نے سینئر سٹیزن ہاؤس میں رہائش پذیر افراد سے ملاقات کی اور ان کا مفت طبی معائنہ کیا ۔ ٹیم کے ممبران نے وہاں موجود لوگوں سے مختلف موضوعات پر گفتگو کی اور ان کے ساتھ مل کرمختلف کھیل کھیلے۔ مردوں میں تحائف کے طور پر تسبیحات، ٹوپیاں، شالیں، قلم جبکہ خواتین میں جیولری اور مہندی تقسیم کی گئی۔ایثار کراچی ویلفیئر ایسوسی ایشن کے اس دورے کے بعد سینئر سٹیزن ہاؤس میں ایک شعری نشست کا بھی اہتمام کیا گیا۔ایثار کراچی ویلفیئر ایسوسی ایشن کے نائب صد سعد بن اقرار نے کہا کہ پروجیکٹ "ایثار زندگی" کو مدنظر رکھتے ہوئے ہم نے BDR کے ساتھ مل کر یہ دورہ کیا ہمارے آج کے دورے کا مقصد سئنیر سٹیزن ہاؤس میں موجود لوگوں کا مفت طبی معائنہ کرنا اور ان کے ساتھ وقت گزار کر ان میں تنہائی کا احساس کم  کرنا تھا ہمیں یہاں آکر بہت خوشی ہوئی ہے یہ لوگ ہمارے ہیں اور ان کا خیال رکھنا ہمارا فرض ہے اس دورے کے اختتام پر ایثار کراچی ویلفیئر ایسوسی ایشن کی جانب سے سینئر سٹیزنز کے لئے کھانے کا اہتمام بھی کیا گیاتھا ۔
 ’’دارلسکون‘‘