تفصیلات کے مطابق قومی کرکٹ ٹیم کے کھلاڑی سری لنکا سے براستہ مالدیپ اور دبئی پاکستان پہنچنے کے بعد اپنے اپنے اسٹیشنز پر روانہ ہوگئے۔
کپتان بابراعظم ، محمد رضوان، امام الحق، عبداللہ شفیق، شاہین شاہ آفریدی، سلمان علی آغا، اظہر علی، فہیم اشرف اور شان مسعود لاہور ایئر پورٹ پر جبکہ حارث روف، یاسر شاہ، محمد نواز اسلام آباد پہنچے ۔نعمان علی، سعود شکیل، فواد عالم اور سرفراز احمد کراچی ایئرپورٹ پر پہنچے ۔پی سی بی کے مطابق حسن علی دبئی میں ہی قیام کریں گے۔واضح رہے کہ سری لنکا نے دوسرے ٹیسٹ میچ میں پاکستان کو 246 رنز سے شکست دی جبکہ پہلا ٹیسٹ میچ، پاکستان نے 4 وکٹوں سے اپنے نام کیا۔