لاہور(سپورٹس رپورٹر)پاکستان ہاکی فیڈریشن کے سیکرٹری جنرل حیدر حسین نے چین کی عدم شرکت کے حوالہ سے وضاحتی بیان میں کہا ہے کہ بھارتی شہر چنائے میں 3 اگست تا 12 اگست ہونیوالی ایشین چیمپینز ٹرافی میں شریک چھ ٹیموں نے شرکت کنفرم کر دی اور تمام ٹیمیں  بھرپور تیاری کیساتھ شریک ہوں گی۔ چائنہ کی عدم شرکت کے حوالے سے چلنے والی خبروں میں کوئی صداقت نہیں۔ چائینہ ٹیم یکم اگست کو چنائے پہنچے گی۔ پاکستان ہاکی ٹیم کی بھرپور تیاریاں جاری ہیں اور ایونٹ میں بھرپور شرکت کیلئے پاکستان ہاکی ٹیم پر عزم ہے۔ پاکستان ہاکی ٹیم کو تربیت کے حوالہ سے بہترین سہولیات دی گئی ہیں۔