لاہور(سپورٹس رپورٹر)سری لنکا ویمن نے دفاعی چیمپئن بھارت ویمن کو 8 وکٹوں سے شکست دیکر ویمنز ایشیا 2024 ء کا ٹائٹل جیت لیا۔ دمبولا میں کھیلے گئے فائنل میں بھارت نے 6 وکٹوں پر 165رنزبنائے تھے۔سمرتی مندھنا 60 رنز بناکر نمایاں رہیں۔ ریچا گھوش 30 اور جمیماہ روڈریگز نے 29 رنز بنائے۔ کاویشا دلہاری نے دو وکٹیں حاصل کیں۔میزبان سری لنکا نے 2 وکٹویں گنوا کر 166 رنز کا ہدف 19ویں اوور میں حاصل کرلیا۔ ہرشیتھا سماراوکراما 69 رنز اور کاویشا دلہاری 30 رنز بنا کر ناقابل شکست رہیں۔ سری لنکا ویمن نے پہلی مرتبہ ایشین ویمنز کپ ٹائٹل اپنے نام کیا ہے۔بھارت ویمن نے یہ ٹائٹل 7 مرتبہ جیتا جبکہ ایک مرتبہ بنگلہ دیش ویمن چیمپئن بننے میں کامیاب رہی۔