لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے‘ زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے ڈیفنس میں سرفرازکے گھر میں اہلخانہ کو گن پوائنٹ پر یرغمال بنا کر6 لاکھ روپے‘ زیورات، موبائل فون اور دیگر سامان، ستوکتلہ میں حماد ور اس کی فیملی سے گن پوائنٹ پر 3 لاکھ 20 ہزار‘ موبائل فون، جوہر ٹائون میں زبیر کی فیملی سے 3 لاکھ 10 ہزار روپے‘ زیورات‘ موبائل فون، شالیمار میں گوہر سے ایک لاکھ 45 ہزار روپے‘ موبائل فون، اکبری گیٹ میں ناصر سے ایک لاکھ 5 ہزار روپے‘ موبائل فون، کوٹ لکھپت میں مقصود سے ایک لاکھ 70 ہزار‘ موبائل فون، باغبانپورہ میں وقاص سے 35 ہزار‘ موبائل فون، مزنگ میں سفیان سے 95 ہزار‘ موبائل فون‘ ریس کورس میں نواز سے 31 ہزار روپے‘ موبائل فون‘ گرین ٹاؤن میں بشارت سے 80 ہزار‘ موبائل فون، لوہاری گیٹ میں سجاد سے 45 ہزار اور موبائل فون، ہنجروال میں مشتاق سے 40 ہزار‘ موبائل فون، سمن آباد میں سلیم سے19 ہزار روپے‘ موبائل فون لوٹ لیا اور فرار ہوگئے۔ چوروں نے ساندہ میں احمد کے گھر سے4لاکھ 29 ہزار روپے‘ زیورات اور دیگر سامان چوری کر لیا۔ چوروں نے ساندہ، شادمان اور لیاقت آباد سے 3 گاڑیاں جبکہ لاری اڈہ، مزنگ، مانگا منڈی، شاہدرہ ٹاؤن، سرور روڈ، لٹن روڈ اور لوئر مال سے 7 موٹر سائیکلیں چوری کر لی۔